Aprann kijan pou pwoteje "pi bon zanmi yon moun"

Grip chen, sa vle di grip kanin, ap vini an Florid. Li rive nan yon pwopòsyon epidemi nan lòt eta e byento li pral vin pi grav isit la.  

Grip chen

Grip chen pa danjere pou moun, sèlman pou chen. 

Jiskaprezan, dapre medya yo, pa gen okenn moun li te ye ki enfekte ak grip chen.  

Esansyèlman, grip chen se yon viris grip ki te sibi mitasyon pou fè chen malad. Li trè kontajye nan mitan chen, men jeneralman li pa fatal pou zanmi a pwal nou yo.  

Si chen ou an gen grip chen, tout sa ou bezwen fè se ba li anpil atansyon epi asire w ke li rete idrate. Chen ou an ap gen nen bouche, tous, ak lafyèv (menm jan ak grip moun). Fido ap letaji pandan l malad. Apre yon semèn oswa de, chen ou an ta dwe anfòm. 

Izole chen malad yo

Men, li enpòtan pou izole yon chen malad ak chen ki pa enfekte yo. Sa vle di pa gen pak pou chen oswa gadri pou chen pandan chen yo malad. 

Epitou, si ou gen yon chen ki pa enfekte, ou ka vle konsidere izole chen ou an de lòt chen jiskaske pandemi chen an pase. 

Natirèlman, si chen ou an sanble vrèman malad, ou ta dwe mennen l kay veterinè a. Grip chen an ka vin fatal si chen ou an deja malad, li fin vye granmoun, oswa li gen yon predispozisyon pou grip chen.   

Tanpri vizite paj FAQ nou an pou plis sijè ak enfòmasyon.